Նորություններ
Արդարադատության նախարարն ընդունել է Օլդենբուրգի երկրամասային գերագույն դատարանի նախագահող դատավորին
ՀՀ արդարադատության նախարար Հովհաննես Մանուկյանն այսօր ընդունել է Օլդենբուրգի երկրամասային գերագույն դատարանի նախագահող դատավոր Ֆոն դեր Բեքին, ով ներգրավված է ՀՀ քրեակատարողական նոր օրենսգրքի նախագծի մշակման խմբի աշխատանքներում: Հանդիպմանը մասնակցել են նաև Արդարադատության նախարարի տեղակալ Արման Թաթոյանն ու Միջազգային իրավական համագործակցության գերմանական հիմնադրամի հայաստանյան ծրագրերի համակարգող Նելլի Թումասյանը:
Տեղեկատվության ազատության ոլորտի ենթաօրենսդրական ակտերի վերաբերյալ աշխատանքային քննարկում
Դեկտեմբերի 11-ին ՀՀ արդարադատության նախարարի տեղակալ Սուրեն Քրմոյանը մասնակցել է «Ինֆորմացիայի ազատության կենտրոնի» կողմից կազմակերպված Արդարադատության նախարարության մշակած տեղեկատվության ազատության ոլորտի ենթաօրենսդրական ակտերի վերաբերյալ աշխատանքային քննարկմանը: Դրանք վերաբերում են տեղեկատվություն տրամադրելու կարգին, տեղեկությունների պահպանմանն ու դասակարգմանը:
Մարդու իրավունքների պաշտպանության օրվան նվիրված «Սահմանային իրականություն» խորագրով ցուցահանդես «Արմավիր» ՔԿՀ-ում
Մարդու իրավունքների պաշտպանության օրվա կապակցությամբ «Արմավիր» նորաբաց քրեակատարողական հիմնարկում այսօր կազմակերպվել է «Սահմանային իրականություն» խորագրով ցուցահանդես, որտեղ ներկայացվել են ամերիկաբնակ հայտնի նկարիչ Սամվել Սաղաթելյանի աշխատանքները և ՀՀ արդարադատության նախարարության տարբեր քրեակատարողական հիմնարկներում գտնվող դատապարտյալների ստեղծագործությունները: Սամվել Սաղաթելյանը արվեստասեր հանրությանը հայտնի է իր «Չափազանցված իրականություն», «Տեխնոլոգիայի աշխարհ», «Դրախտի փնտրտուքներով», «Անկախություն» և այլ ցուցադրություններով, որոնց հիմնական առանցքը մարդն է:
«Կտրենք կոռուպցիոն շղթան». կոռուպցայի դեմ պայքարի այս տարվա կարգախոսը
Դեկտեմբերի 9-ին «Արմենպրես» լրատվական գործակալության մամուլի սրահում տեղի է ունեցել «Կոռուպցիայի դեմ պայքարի միջազգային օրվան» նվիրված ՀՀ արդարադատության նախարարի տեղակալ Սուրեն Քրմոյանի մամուլի ասուլիսը: Նախարարի տեղակալը լրագրողներին է ներկայացրել կոռուպցիայի դեմ պայքարի ՀՀ կառավարության ծրագրային դրույթները, ձեռնարկվող ու ձեռնարկվելիք միջոցառումները: Նրա խոսքով՝ կոռուպցիան չարիք է, որի դեմ պետք է պայքարեն աշխարհի բոլոր երկրները. այն խոչընդոտում է ժողովրդավարական կառավարմանն ու արժեհամակարգի ձևավորմանը, մարդու իրավունքների իրացմանը, տնտեսության զարգացմանը և այլն:
Նախարարն ընդունել է Հայաստանում իր առաքելությունն ավարտող ԵԽ գրասենյակի ղեկավարին
ՀՀ արդարադատության նախարար Հովհաննես Մանուկյանն այսօր ընդունել է Հայաստանում Եվրոպայի խորհրդի գրասենյակի ղեկավար Օլեքսանդր Պավլյուկին, ով ավարտում է իր առաքելությունը Հայաստանում: ՀՀ արդարադատության նախարարը շնորհակալություն է հայտնել Պավլյուկին արդյունավետ համագործակցության համար՝ մաղթելով նրան հաջողություն հետագա գործունեությունում:
Մեկնարկեց նոտարական գործողություններին մասնակցող թարգմանիչների որակավորման ստուգումը
ՀՀ արդարադատության նախարարությունում այսօր, ժամը 10:20-ին, մեկնարկել է նոտարական գործողություններին մասնակցող թարգմանչի որակավորման առաջին խմբի ստուգումը, որին մասնակցում է 28 դիմորդ:
ԱՄՆ Վիսկոնսին նահանգի Քրեակատարողական վարչության պատվիրակությունն այցելել է «Կարբի» ուսումնական կենտրոն
Վիսկոնսին նահանգի Քրեակատարողական վարչության պետ Էդվարդ Ուոլը, վարչության պետի տեղակալ Դեյդրի Մորգանը և չափահասների համար նախատեսված քրեակատարողական հիմնարկների բաժնի ադմինիստրատոր Քեթի Ջեսը շրջել են կենտրոնում, ծանոթացել շենքային պայմաններին, ինչպես նաև Նախարարության հատուկ ծառայությունների աշխատակիցների վերապատրաստման ու հատուկ ուսուցման կազմակերպման մեթոդներին:
Բացվել է «Արմավիր» քրեակատարողական հիմնարկի առաջին մասնաշենքը
Հայաստանի Հանրապետության Նախագահ Սերժ Սարգսյանը նոյեմբերի 29-ին մասնակցել է «Արմավիր» քրեակատարողական հիմնարկի առաջին մասնաշենքի պաշտոնական բացման արարողությանը: Երկրի նախագահը, ՀՀ արդարադատության նախարար Հովհաննես Մանուկյանի ուղեկցությամբ, շրջայց է կատարել քրեակատարողական հիմնարկում, ծանոթացել վարչական շենքի, ռեժիմային գոտու, կարճատև և երկարատև տեսակցությունների սենյակների, պահպանության բաժնի և բնակելի հատվածի պայմաններին:
Պայմանագիր ստորագրվեց քրեակատարողական հիմնարկներում հոգևոր ծառայության մատուցումը կարգավորելու վերաբերյալ
Հոգևոր ծառայության նպատակն է նպաստել քրեակատարողական հիմնարկներում բարոյահոգեբանական առողջ մթնոլորտի ապահովմանը, աջակցել դատապարտյալների ուղղման աշխատանքներին, բավարարել քրեակատարողական հիմնարկներում պահվող կալանավորված անձանց և դատապարտյալների հոգևոր, կրոնական և ծիսական պահանջմունքները, քրեակատարողական հիմնարկների և տեղական ինքնակառավարման մարմինների ու շահագրգիռ հասարակական կազմակերպությունների հետ համագործակցելով` նպաստել պատժի կրումից հետո անձանց հասարակական կյանքին ներգրավմանը:
Արդարադատության նախարարը հանդիպել է Ռուսաստանի Դաշնությունում գործող «Արմռոս» ասոցիացիայի հայ փաստաբաններին
Արդարադատության նախարար Հովհաննես Մանուկյանը Մոսկվայում հանդիպել է Ռուսաստանի Դաշնությունում գործող «Արմռոս» ասոցիացիայի հայ փաստաբաններին: Ասոցիացիան մասնագիտացված է ռուս-հայկական առևտրատնտեսական, մշակութային և գիտական կապերի իրավական ապահովման ոլորտներում: Այն միավորում է հայ իրավաբաններին, ովքեր աշխատում են փաստաբանության ոլորտում, ՌԴ պետական ապարատում, գիտա-կրթական բնագավառում, իրավապահ մարմիններում:
Նախարարն այցելել է Հայ Առաքելական եկեղեցու Ռուսաստանի և Նոր Նախիջևանի թեմի առաջնորդ գերաշնորհ Տ. Եզրաս արքեպիսկոպոս Ներսիսյանի նստավայր
Ռուսաստանի Դաշնությունում աշխատանքային այցի վերջին օրը ՀՀ արդարադատության նախարար Հովհաննես Մանուկյանը այցելել է Հայ Առաքելական եկեղեցու Ռուսաստանի և Նոր Նախիջևանի թեմի առաջնորդ գերաշնորհ Տ. Եզրաս արքեպիսկոպոս Ներսիսյանի նստավայր: Նախարարն առանձնազրույց է ունեցել արքեպիսկոպոսի հետ:
Հայաստանի և Ռուսաստանի արդարադատության նախարարները քննարկել են փոխգործակցությանն առնչվող հարցեր
Ողջունելով հայաստանյան գործընկերոջը՝ ՌԴ արդարադատության նախարարը նշել է, որ փոխգործակցության նոր մակարդակ է ակնկալվում՝ հաշվի առնելով Եվրասիական տնտեսական միության ինտեգրացիոն գործընթացները և Ռուսաստանի դերը այդ պրոցեսներում:
