Նորություններ
Հանդիպում ուսանողների հետ՝ դատավորների թեկնածուների միջև սեռային հավասարակշռության թեմայով
ՀՀ արդարադատության նախարարի տեղակալ Արտյոմ Գեղամյանը և Երևանի Աջափնյակ և Դավթաշեն վարչական շրջանների ընդհանուր իրավասության դատարանի դատավոր Մարգարիտա Հարթենյանը սեպտեմբերի 12-ին, Եվրամիության կողմից ֆինանսավորվող ծրագրի շրջանակում, հանդիպել են Երևանի պետական համալսարանի իրավագիտության ֆակուլտետի ուսանողներին:
Աշխատանքային առաջին հանդիպումը ՔԿԱԳ տարածքային բաժինների ղեկավարների հետ
«Կարևոր է քաղաքացիների վերաբերմունքը «զագսի» գրասենյակների աշխատանքների նկատմամբ, այն մենք մեր ամենօրյա աշխատանքով պետք է բարելավենք, քննարկենք և հասկանանք, թե ինչով կարող է արդարադատության նախարարությունը աջակցել ձեզ»,-նշել է նախարարը:
Հանդիպում ՀՀ ԱՆ քրեակատարողական հիմնարկներում և մարմիններում վերահսկողություն իրականացնող հասարակական դիտորդական խմբի ներկայացուցիչների հետ
ուրեն Քրմոյանը հավաստիացրել է, որ ներկայացված խնդիրները, նախարարի հստակ հանձնարարականով ու նրա անմիջական վերահսկողությամբ, գտնվում են նախարարության ամենօրյա ուշադրության և աշխատանքային գործունեության կենտրոնում, և շուտով այդ ուղղությամբ հասարակությունը կտեսնի դրական տեղաշարժ՝ հույս հայտնելով, որ հաջորդ հանդիպման ժամանակ արդեն կխոսեն ավելի շատ պրակտիկ քայլերի, իրականացրած աշխատանքների ու արդյունքների մասին, քան՝ ծրագրային դրույթների:
Ընդլայնված խորհրդակցություն քրեակատարողական վարչությունում
Վարչության պետը կարգադրել է նաև հատուկ ուշադրություն դարձնել դատապարտյալների հետ տարվող սոցիալ-հոգեբանական և իրավական բնույթի աշխատանքներին, նրանց կենցաղ-տնտեսական պայմաններին և բժշկական օգնությանը:
ԱՄՆ-Հայաստան համաձայնագիր դատաիրավական բարեփոխումներին ուղղված աջակցության վերաբերյալ
Հովհաննես Մանուկյանը նույնպես կարևորել է երկու պետությունների կառավարությունների միջև համագործակցության շարունակականությունը և ընդգծել, որ ԱՄՆ աջակցությունն ուղղված է Հայաստանի համար ամենակարևոր ու զգայուն ոլորտներին՝ դատական համակարգին և քրեակատարողական ծառայությանը:
Արդարադատության նախարարն այցելեց «Արթիկ» քրեակատարողական հիմնարկ. Առավոտ
Նախարարը կարճատեւ զրույցներ է ունեցել այն դատապարտյալների հետ, որոնք ցանկանում էին նախարարին ներկայացնել իրենց խնդիրները, իսկ խնդիրները հիմնականում վերաբերել են վաղաժամ արձակման պայմաններին։ Դատապարտյալներից մեկը նախարարին եւ պրն Օսիկյանին նվիրել է իր ձեռքով արհեստանոցում պատրաստած փայտից արձանիկ, իսկ նախարարն էլ իր հերթին դատապարտյալին նվիրել է նոր գործիքակազմ եւ հորդորել միշտ աշխատել, քանի որ աշխատանքը միշտ կարեւոր է։ Իր այցի վերջում նախարարը ճաշել է դատապարտյալների հետ։
Արդարադատության նախարարն ընդունել է ԱՄՆ ՄԶԳ հայաստանյան առաքելության ներկայացուցիչներին
Հովհաննես Մանուկյանը նույնպես ընդգծել է քաղաքացիական հասարակության ամրապնդման կարևորությունը և շեշտել, որ ամուր քաղաքացիական հասարակություն ունենալը երկրի իմունիտետն ու ամրության ցուցանիշն է:
ՀՀ արդարադատության նախարարի ուղերձը՝ արտակարգ իրավիճակների աշխատակիցների օրվա կապակցությամբ
ՀՀ արդարադատության և անձամբ իմ անունից շնորհավորում եմ Արտակարգ իրավիճակների նախարարության աշխատակցի օրը: Սիրելի Փրկարարներ, Ձեր մարդասիրական գործունեությամբ, կյանքը վտանգի տակ դնելով, ճիշտ պահին օգնության եք հասել, փրկել շատերի կյանքը: Ոգևորությամբ ու հպարտությամբ ես լցվում, երբ քո երկրի Արտակարգ իրավիճակների նախարարության աշխատակիցները՝ իրենց մասնագիտական բարձր պատրաստվածության արդյունքում, և կառույցն ընդհանրապես, ճանաչելի և օրինակելի են նաև հանրապետության սահմաններից դուրս:
ՀՀ արդարադատության նախարարը ներկայացրել է Քրեակատարողական վարչության նորանշանակ պետին
Նախարարը համոզմունք է հայտնել, որ նորանշանակ ղեկավարը գիտակցում է այս համակարգի պատասխանատվությունն ու կարևորությունը. դրա գործունեությունը գտնվում է հանրության ամենօրյա ուշադրության կենտրոնում:
ՀԱՅՏԱՐԱՐՈՒԹՅՈՒՆ ՄԻԵԴ-ի դատավորի պաշտոնում ՀՀ կողմից առաջադրվող թեկնածուների ընտրության մրցույթի վերաբերյալ
Մարդու իրավունքների եվրոպական դատարանի դատավորի պաշտոնում Հայաստանի Հանրապետության կողմից առաջադրվող թեկնածուների ընտրությունն իրականացնող մրցութային հանձնաժողովը (այսուհետ՝ Հանձնաժողով), հիմք ընդունելով Հայաստանի Հանրապետության Նախագահի 2014թ. օգոստոսի 2-ի ՆՀ-199-Ն հրամանագրով հաստատված Մարդու իրավունքների եվրոպական դատարանի դատավորի պաշտոնում Հայաստանի Հանրապետության կողմից առաջադրվող թեկնածուների ընտրությունն իրականացնող մրցութային հանձնաժողովի գործունեության և թեկնածուների ընտրության կարգի (այսուհետ՝ Կարգ) դրույթները, հայտարարում է Մարդու իրավունքների եվրոպական դատարանի (այսուհետ՝ Եվրոպական դատարան) դատավորի պաշտոնում Հայաստանի Հանրապետության կողմից առաջադրվող թեկնածուների (այսուհետ՝ Թեկնածուներ) ընտրության մրցույթ (այսուհետ՝ Մրցույթ):
Սեպտեմբերի մեկը անչափահաս դատապատյալների մոտ
ՀՀ արդարադատության նախարարի տեղակալ Սուրեն Քրմոյանն այսօր, Գիտելիքի օրվա կապակցությամբ, այցելել է Աբովյան քրեակատարողական հիմնարկ և ՀՀ արդարադատության նախարար Հովհաննես Մանուկյանի անունից անչափահաս դատապարտյալներին շնորհավորել նոր ուսումնական տարվա կապակցությամբ: «Գիտելիքը հենասյուն է ոչ միայն անհատի, այլև պետության համար»,-նշել է նախարարի տեղակալը և կարևորել ուսուցիչների դերը սերուդների կրթության ու դաստիարակության գործում:
Նախարարը N 14 հատուկ դպրոցի աշակերտներին է փոխանցել իր մանկության ընկերոջ բարեմաղթամանքները
«Ես շատ մտերիմ մի ընկեր ունեի նախադպրոցական տարիներին, որի հետ միշտ միասին էինք խաղում. կարելի է ասել, որ անբաժան ընկերներ էինք: Երբ եկավ դպրոց գնալու ժամանակը, ես կարծում էի, որ մենք նույն դասարանում ենք սովորելու, բայց ոչ, միասին սովորել հնարավոր չէր, քանի որ նա տեսողության որոշակի խնդիրներ ուներ: Այդպես շփումը քիչ-քիչ դադարեց: Այդ կապը վերականգնվեց միայն տարիներ անց՝ սոցիալական ցանցերի շնորհիվ: Հիմա նա շատ հեռու է ապրում, բայց ես շատ ուրախ եմ, որ նրա կյանքում ամեն ինչ ստացվել է: Նա դասավանդում է դպրոցում: Իմանալով, որ ես այստեղ եմ գալու, խնդրեց, որ ես ձեզ փոխանցեմ իր շնորհավորանքներն ու հետևյալ բառերը, որ կյանքը շատ գեղեցիկ է, կյանքը շատ պայծառ է, իսկ մնացածը, թե ի՞նչ գույներով այդ կյանքը կտեսնեք, արդեն ձեզնից է կախված, կախված է նրանից, թե ինչպե՞ս դուք կսովորեք, թե ինչպե՞ս կնվիրվեք ձեր ուսմանը և երկրին»,- ասել է Հովհաննես Մանուկյանը՝ մաղթելով նրանց հաջողություններ ուսման մեջ և բոլոր ձեռնարկումներում :
