Սրբուհի Գալյան

Ծննդյան տարեթիվ, ամսաթիվ, ծննդավայր

Հինգը մայիսի, 1992 թվական, ք․ Երևան

Աշխատանքային գործունեություն

2024 թվականի նոյեմբերի 5-ին նշանակվել է արդարադատության նախարար:

2020-2024թթ․ եղել է ՀՀ գլխավոր դատախազության ապօրինի ծագում ունեցող գույքի բռնագանձմանն ուղղված գործառույթների ոլորտը համակարգող տեղակալ։

2019-2020թթ․ եղել է արդարադատության նախարարի տեղակալ։

2019թ․ մարտից հուլիս ամիսներին եղել է ՀՀ Հատուկ քննչական ծառայության իրավական ապահովման և արտաքին կապերի բաժնի պետ։

2018-2019թթ․ եղել է ՀՀ Հատուկ քննչական ծառայության իրավական ապահովման բաժնի պետ։

2015-2018թթ․ եղել է ՀՀ Հատուկ քննչական ծառայության քննչական աշխատանքների կազմակերպման, կատարելագործման և քննության մեթոդիկայի մշակման բաժնի, այնուհետև՝ ծառայության իրավական ապահովման բաժնի գլխավոր մասնագետ։

2014-2015թթ․ եղել է «Ղ-Տելեկոմ» ՓԲԸ-ի՝ իրավաբանական վարչության կրտսեր իրավաբան։

Կրթություն

2016-2017թթ․ սովորել է «ՀՀ փաստաբանական դպրոց» հիմնադրամում։

2014-2018թթ․ սովորել է ԵՊՀ Իրավագիտության ֆակուլտետում՝ ասպիրանտուրա։

2012-2014թթ․ սովորել է ԵՊՀ Իրավագիտության ֆակուլտետում՝ մագիստրատուրա։

2008-2012թթ․ սովորել է ԵՊՀ Իրավագիտության ֆակուլտետում՝ բակալավր։

Դասախոսական աշխատանք

2015թ․-ից մինչ օրս դասավանդում է ԵՊՀ իրավագիտության ֆակուլտետի քրեական իրավունքի ամբիոնում։

2016թ․-ից մինչ օրս դասավանդում է Արդարադատության ակադեմիայում։

2019-2020թթ․ դասավանդել է ՀՀ Պետական եկամուտների կոմիտեի ուսումնական կենտրոնում։

2020-2021թթ․ դասավանդել է ՀՀ ոստիկանության կրթահամալիրում։

Այլ տեղեկություններ

Գիտական 4 հոդվածների հեղինակ և 1 ուսումնական ձեռնարկի համահեղինակ է։

Լեզուների իմացություն՝ անգլերեն, ռուսերեն։

Ունի մեկ դուստր։