Նորություններ
Հայաստանում Ֆրանսիական համալսարանն իրավաբանական կրթություն տվող լավագույն ԲՈՒՀ-երի եռյակում է․ Կարեն Անդրեասյան
Ամփոփելով խոսքը՝ նախարարը հիշատակել է նաև Արդարադատության նախարարության և Ֆրանսիական համալսարանի միջև կնքված համագործակցության հուշագիրը և վստահություն հայտնել, որ համալսարանի շրջանավարտներն իրենց մասնակցությունն ու ներդրումը կունենան Արդարադատության նախարարության կողմից նախաձեռնած բարեփոխումների օրակարգի մեծ գործընթացում:
Նոտարիատը Հայաստանի ամենակայացած ինստիտուտներից է․ Կարեն Անդրեասյանը մասնակցել է նոտարների մասնագիտական օրվան նվիրված միջոցառմանը
Ներկայացնելով օրակարգային բարեփոխումները՝ նախարար Անդրեասյանն առանձնացրել է դատաիրավական համակարգում ու արդարադատության ոլորտում իրականացվելիք թվայնացման գործընթացը, որը, իր համոզմամբ, կնպաստի ու կօժանդակի նաև նոտարների աշխատանքի արդյունավետության բարձրացմանը։
Իրանը Հայաստանում ներդրումներ անելու ծրագրեր ունի․ Կարեն Անդրեասյանը Իրանի դեսպանի հետ քննարկել է երկուստեք հետաքրքրություն ներկայացնող մի շարք հարցեր
Հանդիպման ընթացքում քննարկվել են նաև դատական նիստերի երկարաձգման հետ կապված խնդիրները, որոնց առնչությամբ Կարեն Անդրեասյանը տեղեկացրել է, որ թիվ մեկ անելիքներից ու այս պահին այդ ուղղությամբ տարվող աշխատանքներից է դատական համակարգի բարեփոխման հարցը՝ այդ թվում ուղղված նաև բարձրացված խնդրի լուծմանը։ Այդ համատեքստում նախարարը նաև իրանական փորձն ուսումնասիրելու ու իրանցի գործընկերոջ հետ առաջիկայում հանդիպելու ցանկություն է հայտնել։
Կայացել է Անչափահասների արդարադատության խորհրդի հերթական նիստը
Արդարադատության նախարարի առաջին տեղակալ Քրիստիննե Գրիգորյանի գլխավորությամբ սեպտեմբերի 30-ին տեղի է ունեցել Անչափահասների արդարադատության միջգերատեսչական խորհրդի նիստը:
Երանուհի Թումանյանցը՝ արդարադատության նախարարի տեղակալ
Երանուհի Թումանյանցը, ՀՀ վարչապետ Նիկոլ Փաշինյանի որոշմամբ, նշանակվել է արդարադատության նախարարի տեղակալ։
Դատավորների բարեվարքության ստուգման գործընթացում կարևորվել է Վենետիկի հանձնաժողովի հետ սերտ համագործակցությունը․ Կարեն Անդրեասյանը հանդիպել է ԵԽ երևանյան գրասենյակի ղեկավարին
Եվրոպայի խորհուրդն Արդարադատության նախարարության առանցքային գործընկերներից է հատկապես դատաիրավական և հակակոռուպցիոն բարեփոխումներ իրականացնելու, ՔԿՀ-ներում մարդու իրավունքների պաշտպանության, ընտանեկան բռնության դեմ պայքարի, ինչպես նաև Պրոբացիայի ծառայության բարելավման հարցերում: Այս մասին այսօր հայտարարել է արդարադատության նախարար Կարեն Անդրեասյանը՝ Հայաստանում Եվրոպայի խորհրդի երևանյան գրասենյակի ղեկավար Մարտինա Շմիդտի հետ հանդիպման ժամանակ։
Քննարկվել է Շիրակի մարզում ստեղծվելիք պարեկային ծառայության ստորաբաժանման կայացմանն ուղղված աշխատանքների ընթացքը
Սեպտեմբերի 29-ին ՀՀ փոխվարչապետ Մհեր Գրիգորյանը, ՀՀ արդարադատության նախարար Կարեն Անդրեասյանը, ՀՀ-ում ԱՄՆ արտակարգ և լիազոր դեսպան Լին Թրեյսին այցելել են Գյումրի, շրջել Ոստիկանության Կումայրիի բաժնում, ծանոթացել 2022 թվականին մարզում ստեղծվելիք Պարեկային ծառայության ստորաբաժանման և օպերատիվ կառավարման կենտրոնի տեղակայման վայրին, քննարկել աշխատանքային պայմանների բարելավմանն ուղղված հարցեր:
Կոռուպցիոն երևույթները չհանդուրժող քաղաքացիներ ունենալու դեպքում Հայաստանը կդառնա լավագույն երկրներից մեկը․ Կարեն Անդրեասյան
Անկախ ու պրոֆեսիոնալ դատաիրավական համակարգ և կոռուպցիոն երևույթները չհանդուրժող քաղաքացիներ ունենալու դեպքում, Հայաստանը կդառնա լավագույն երկրներից մեկը՝ լավագույն տնտեսությամբ ու հզոր բանակով։ Այս մասին հայտարարել է արդարադատության նախարար Կարեն Անդրեասյանը՝ Երևանի պետական համալսարանում ուսանողների հետ հանդիպման ժամանակ ներկայացնելով արդարադատության շղթան բարեփոխելու Կառավարության ծրագիրը։
Փոխվարչապետ Սուրեն Պապիկյանն ու արդարադատության նախարարն այցելել են «Նուբարաշեն» ՔԿՀ
Շրջայցի ընթացքում քննարկվել է նոր քրեակատարողական հիմնարկի կառուցման հնարավորությունը, անդրադարձ է կատարվել պահման պայմանների բարելավման, սննդի որակի բարձրացման հարցերին:
Արդարադատության նախարարը ԱՄՆ դեսպանի հետ քննարկել է դատաիրավական, հակակոռուպցիոն և թվայնացման ոլորտների բարեփոխումները
Արդարադատության նախարար Կարեն Անդրեասյանն այսօր ընդունել է Հայաստանում Ամերիկայի Միացյալ Նահանգների արտակարգ և լիազոր դեսպան Լին Թրեյսիի գլխավորած պատվիրակությանը
Հարգանքի տուրք՝ Հայրենիքի պաշտպանության համար նահատակված հերոսների հիշատակին
Սեպտեմբերի 27-ին Արդարադատության նախարար Կարեն Անդրեասյանը, նախարարության ղեկավար կազմն ու աշխատակիցներն այցելել են «Եռաբլուր» զինվորական պանթեոն և հարգանքի տուրք մատուցել Հայրենիքի պաշտպանության համար նահատակված հերոսների հիշատակին
2018 թվականից հետո խորհրդարանական ընտրությունները միջազգային դիտորդական կազմակերպությունների կողմից որակվել են աննախադեպ թափանցիկ, ազատ և արդար․ Քրիստիննե Գրիգորյան
Արդարադատության նախարարի առաջին տեղակալ Քրիստիննե Գրիգորյանն այսօր որպես բանախոս հանդես է եկել «Անկախություն, ժողովրդավարություն, անվտանգություն» խորագրով համաժողովին:
