Նորություններ
«ԱՆ հատուկ ծառայողներն անցնում են հատուկ ուսուցում». Panorama.am
«Հատուկ ուսուցման հրաձգության գործնական դասընթացներն անցկացվում են ՀՀ արդարադատության նախարարության իրավաբանական ինստիտուտի՝ ՀՀ ոստիկանության կողմից լիցենզավորված հրաձգարանում՝ ատրճանակներով և հրաձգային վարժասարքի AK-74 մոդելի ինքնաձիգով, որը փամփուշտներ չունի (վիրտուալ փամփուշտ է)»,-ասում են ԱՆ-ից:
Հանրային քննարկման են ներկայացվում «Անձնական տվյալների պաշտպանության մասին» ՀՀ օրենքի և «Շարժական գույքի նկատմամբ իրավունքների գրանցման մասին» ՀՀ օրենքի նախագծերը
Հայաստանի Հանրապետության արդարադատության նախարարությունը մեծապես կարևորում է նշված օրենքների նախագծերի վերաբերյալ քաղաքացիական հասարակության, շահագրգիռ այլ կազմակերպությունների ներկայացուցիչների կարծիքը և ակնկալում մինչև սեպտեմբերի 5-ը ստանալ մեկնաբանություններ ու առաջարկներ դրանց վերաբերյալ՝ press@moj.am էլ. հասցեին:
ՀԵՐՔՈՒՄ. ՀՀ կառավարության նիստում «Հավաքների ազատության մասին» օրենքում լրացում կատարելու մասին նախագիծ չի ներկայացվել
Հայտնում ենք, որ տարածված տեղեկատվությունը չի համապատասխանում իրականությանը, քանի որ արդարադատության նախարարը կառավարության նիստում նման նախագիծ չի ներկայացրել, և օրակարգում այդպիսի հարց չի քննարկվել:
ՀՀ արդարադատության նախարարի ելույթը՝ «Թվինինգ» ծրագրի փակման միջոցառմանը
Անցած երկու տարիների ընթացքում Հայաստան այցելած ԵՄ փորձագետներն իրենց մեծ փորձառությամբ ու հմտություններով են կիսվել նախարարության և գործընկեր մարմինների անձնակազմերի հետ՝ նրանց ներկայացնելով ԵՄ առաջավոր պետությունների փորձը: Կազմակերպվել են վերապատրաստման ծրագրեր ոչ միայն Արդարադատության նախարարության աշխատակիցների, այլև ընդհանուր իրավասության առաջին ատյանի դատավորների, դատախազների, փաստաբանների համար:
Նախարարը «անհամեստ» հարց ուղղեց իր տեղակալներին. Փաստինֆո
Ասուլիսի ավարտին նախարարը նախատեց լրագրողներին՝ իր տեղակալներին չափազանց համեստ հարցեր տալու համար, և ինքը փորձեց լրացնել բացը: «Ո՞րն է այս 3-ամսյա ժամանակահատվածի ամենակարևոր նվաճումը, ձեռքբերումը»,- հարց ուղղեց Հովհաննես Մանուկյանը ասուլիսի մասնակից իր տեղակալներին:
ԲՈՒՀ-երի ուսանողները կամավորության սկզբունքով մասնակցել են Նախարարության կողմից իրականացվող հանրային իրազեկման արշավին
Երևանի ԲՈՒՀ-երի իրավագիտության, տնտեսագիտության և կառավարման ֆակուլտետների ուսումնաարտադրական պրակտիկայի ծրագրի մի խումբ ուսանողներ դիմել էին ՀՀ արդարադատության նախարարություն՝ կամավորության սկզբունքով մասնակցելու նախարարության կողմից իրականացվող հանրային իրազեկման արշավին: Արշավի շրջանակներում ուսանողներն այսօր կազմակերպել են ակցիա, որի ընթացքում քաղաքացիների բանկային հաշիվների արգելափակման նախարարությունում գործող արագ արձագանքման թեժ գծի համարները տեղադրել են մեքենաների դիմապակիներին և բաժանել վարորդներին: Այնուհետև ուսանողները հանդիպել են նաև Նախարարության համակարգի իրավական ապահովման վարչության պետ Նորայր Բալայանին:
Բելառուսի գործընկերները ծանոթացել են Պետռեգիստրի աշխատանքներին
ՀՀ արդարադատության նախարար Հովհաննես Մանուկյանն օգոստոսի 12-ին ընդունել է Բելառուսի Հանրապետության արդարադատության նախարարության իրավաբանական անձանց և անհատ ձեռնարկատերերի միասնական պետական ռեգիստրի պետ Դմիտրի Կովալենկոյին և իրավախորհրդատու Իննա Լեուսին:
Շրջայց «Սևան» քրեակատարողական հիմնարկում
Շրջայցին մասնակցող շինարարը տեղում ծանոթացել է սպասվող շինարարական աշխատանքների ծավալին, կատարել անհրաժեշտ չափագրումներ առաջարկություններ ներկայացնելու նպատակով: Նախարարը նաև զրուցել է հիմնարկում պահվող դատապարտյալների հետ, ովքեր հիմնականում հարցեր են ուղղել պայմանական վաղաժամկետ ազատման վերաբերյալ:
Նախարարը ծանոթացել է սյունեցիների խնդիրներին
Հայր Մակարի հետ քննարկվել են մարզի հոգևոր առանձնահատկությունները: Սրբազանը նախարարին տեղեկացրել է, որ մարզում նախընտրում են նոր եկեղեցիներ կառուցելու փոխարեն վերականգնել չգործող վանքերն ու եկեղեցիները: Առաջնորդարանում նախարարը պատմել է Գորիսի բժշկական կենտրոնում ապաքինվող փոքրիկ Արսենի մոր նամակի մասին: Նամակը նախարարն ստացել էր մարզ մեկնելուց առաջ, որտեղ ասվում էր, որ փոքրիկ Արսենն ունի հենաշարժական խնդիրներ և մայրը նշել էր, որ երեխան հեծանիվ է ուզում: Սրբազանն առաջարկել է միասին այցելել հիվանդանոց: Երեխաները բարձր տրամադրությամբ են դիմավորել հյուրերին: Հովհաննես Մանուկյանը բոլորին մաղթել է շուտափույթ ապաքինում, իսկ Սրբազանը օրհնել է փոքրիկներին:
Քրեակատարողական համակարգի ծառայողների վերապատրաստումն էլ ավելի արդյունավետ դարձնելու նպատակով ստեղծվել է թեստավորման առցանց ծրագիր
«ՀՀ արդարադատության նախարարության իրավաբանական ինտիտուտ» ՊՈԱԿ-ը, քրեակատարողական համակարգի ծառայողների վերապատրաստումն էլ ավելի արդյունավետ դարձնելու նպատակով, ստեղծել է թեստավորման առցանց ծրագիր: Այն քրեակատարողական ծառայողներին հնարավորություն է տալու մինչև հաջորդ վերապատրաստումը մնալ տեղեկացված և աշխատել սեփական գիտելիքների զարգացման ուղղությամբ: Ծրագիրն ունի օգտատիրոջ անվամբ և ծածկագրով մուտքի հնարավորություն դեպի օնլայն թեստավորում,և քրեակատարողական ծառայողը ցանկացած պահի կարող է թեստ անցնել:
Հոկտեմբերի 1-ից ուժի մեջ կմտնի ընտանեկան ձեռնարկատիրական գործունեության վերաբերյալ օրենքը
2014 թվականի հուլիսի 30-ին «ՀՀ պաշտոնական տեղեկագիր» N 41 (1054)-ում հրատարակվել է և 2014թ. հոկտեմբերի 1-ից ուժի մեջ կմտնի «Հարկերի մասին» Հայաստանի Հանրապետության օրենքում լրացումներ եվ փոփոխություն կատարելու մասին ՀՀ օրենքը
Քրեական դատավարության նոր օրենսգրքի նախագծում դեպոնացման ինստիտուտը կլրամշակվի. Փաստինֆո
ԱԺ Պետաիրավական հարցերի մշտական հանձնաժողովում ամբողջությամբ ավարտվել են Քրեական դատավարության նոր օրենսգրքի նախագծի քննարկումները: Աժ պատգամավորների ներկայացրած առաջարկություններն այժմ ամփոփվում են աշխատանքային խմբի կողմից: Ուստի՝ Արդարադատության փոխնախարար Արման Թաթոյանին «Փաստինֆո»-ն խնդրեց ամփոփել ԱԺ-ում կայացած շուրջ կես տարվա քննարկումների արդյունքները: «Քրեական դատավարության օրենսգիրքը շատ մանրամասն քննարկվեց ԱԺ-ում` սկսած այս տարվա հունվար ամսից: Հոդված առ հոդված մենք քննարկելով գնացել ենք առաջ:
