Որոշում՝ Հակակոռուպցիոն քաղաքականության խորհրդի կազմում հասարակական կազմակերպությունների ներգրավման նպատակով անցկացվող մրցույթի արդյունքների մասին

Որոշում՝ Հակակոռուպցիոն քաղաքականության խորհրդի կազմում հասարակական կազմակերպությունների ներգրավման նպատակով անցկացվող մրցույթի արդյունքների մասին

Հիմք ընդունելով ՀՀ վարչապետի 2019 թվականի հունիսի 24-ի «Հակակոռուպցիոն քաղաքականության խորհուրդ ստեղծելու, խորհրդի կազմը և գործունեության կարգը, խորհրդի կազմում ներգրավվող հասարակական կազմակերպությունների մրցույթի և ռոտացիայի կարգը հաստատելու և Հայաստանի Հանրապետության վարչապետի 2015 թվականի ապրիլի 18-ի N 300-Ն որոշումն ուժը կորցրած ճանաչելու մասին» N 808-Ն որոշումը (այսուհետ նաև՝ Որոշում)՝ Արդարադատության նախարարությունում 2025 թվականի հոկտեմբերի 6-ին անց է կացվել Հակակոռուպցիոն քաղաքականության խորհրդի կազմում ներգրավման նպատակով հասարակական կազմակերպությունների կողմից ներկայացված փաստաթղթերի ամբողջականության և համապատասխանության ստուգում՝ Արդարադատության նախարարի՝ 2025 թվականի սեպտեմբերի 5-ի թիվ 582-Ա հրամանով ստեղծված Հակակոռուպցիոն քաղաքականության խորհրդի կազմում հասարակական կազմակերպությունների ներգրավման գործընթացի իրականացման նպատակով ստեղծված հանձնաժողովի (այսուհետ՝ Հանձնաժողով) անդամների մասնակցությամբ: 

Հակակոռուպցիոն քաղաքականության խորհրդի կազմում ներգրավման նպատակով հայտ էին ներկայացրել «Թրանսփարենսի Ինթերնեշնլ հակակոռուպցիոն կենտրոն», «Իրազեկ քաղաքացիների միավորում», «Իրավաբանների հայկական ասոցիացիա», «Հելսինկյան քաղաքացիական ասամբլեայի Վանաձորի գրասենյակ», «Հայաստանի արդյունաբերողների և գործարարների միություն» և «Հայաստանի գործատուների հանրապետական միություն» հասարակական կազմակերպությունները։

Հաշվի առնելով, որ «Թրանսփարենսի Ինթերնեշնլ հակակոռուպցիոն կենտրոն», «Իրազեկ քաղաքացիների միավորում», «Իրավաբանների հայկական ասոցիացիա», «Հելսինկյան քաղաքացիական ասամբլեայի Վանաձորի գրասենյակ», «Հայաստանի արդյունաբերողների և գործարարների միություն» և «Հայաստանի գործատուների հանրապետական միություն» հասարակական կազմակերպությունների կողմից ներկայացված փաստաթղթերն ամբողջական են և համապատասխանում են ՀՀ վարչապետի 2019 թվականի հունիսի 24-ի «Հակակոռուպցիոն քաղաքականության խորհուրդ ստեղծելու, խորհրդի կազմը և գործունեության կարգը, խորհրդի կազմում ներգրավվող հասարակական կազմակերպությունների մրցույթի և ռոտացիայի կարգը հաստատելու և Հայաստանի Հանրապետության վարչապետի 2015 թվականի ապրիլի 18-ի N 300-Ն որոշումն ուժը կորցրած ճանաչելու մասին» N 808-Ն որոշման հավելված 2-ի 7-րդ և 7.1-րդ կետերի պահանջներին՝ որոշվել է հաստատել «Թրանսփարենսի Ինթերնեշնլ հակակոռուպցիոն կենտրոն», «Իրազեկ քաղաքացիների միավորում», «Իրավաբանների հայկական ասոցիացիա», «Հելսինկյան քաղաքացիական ասամբլեայի Վանաձորի գրասենյակ», «Հայաստանի արդյունաբերողների և գործարարների միություն» և «Հայաստանի գործատուների հանրապետական միություն» հասարակական կազմակերպությունների համապատասխանությունը Որոշման հավելված 2-ի 7-րդ և 7.1-րդ կետերով սահմանված պահանջներին:

Կից՝ Հակակոռուպցիոն քաղաքականության խորհրդի կազմում հասարակական կազմակերպությունների ներգրավման նպատակով անցկացվող մրցույթի արդյունքների մասին  որոշումը: