Մրցույթ` Արդարադատության նախարարությունն առաջատար տեխնոլոգիաների ոլորտում մասնագիտացած ընկերություններին հրավիրում է մասնակցելու բաց մրցույթի

Արդարադատության նախարարությունը առաջատար տեխնոլոգիաների ոլորտում մասնագիտացած ընկերություններին հրավիրում է մասնակցելու բաց մրցույթի

Պայմանավորված հասարակական հարաբերությունների առաջընթացով, դրանց շրջանակում թվային տեխնոլոգիաների ներդրմամբ և լայնորեն կիրառմամբ՝ օբյեկտիվորեն առաջ է գալիս նաև այդպիսի տեխնոլոգիաների և դրանցով պայմանավորված լուծումների օգտագործման անհրաժեշտություն հանրային կառավարման, այդ թվում` արդարադատության իրականացման համակարգի համատեքստում:

Վերը նշվածից ելնելով, ինչպես նաև ՀՀ դատական և իրավական բարեփոխումների 2022-2026 թթ. ռազմավարության շրջանակում հաշտարարության ոլորտի գործունեության ապահովման համար էլեկտրոնային գործիքների նախատեսման նպատակ հետապնդելով՝ Արդարադատության նախարարությունը հայտարարել էր Էլեկտրոնային հաշտարարության առցանց հարթակի մշակման մրցույթ, որը հաղթել է «Վեբ Ֆաունդեյշն» ՍՊԸ-ն:

Սույն մրցույթով ձեռքբերվող ծառայությունների նպատակն է գործընթացին ներգրավել մասնագիտացված կազմակերպություն, ով պետք է ուսումնասիրի այժմ մշակվող Էլեկտրոնային հաշտարարության հարթակը, իրականացնի պայմանագրի փուլերի ուղեկցում, պայմանագրի ամեն փուլով և դրա բաղադրիչներով տա մասնագիտական եզրակացություն՝ հարթակի մշակման տեխնիկական առաջադրանքի պահանջներին բավարարելու, մասնակի բավարարելու կամ չհամապատասխանելու վերաբերյալ: Մասնագիտական եզրակացությունը Արդարադատության նախարարության համար հիմք է հանդիսանալու հարթակի մշակման ծառայություններն ընդունելու համար:

Արդարադատության նախարարությունը հրավիրում է բոլոր՝ առաջատար տեխնոլոգիաների ոլորտում մասնագիտացած ընկերություններին մասնակցելու ՀՀԱՆ-ԲՄԽԾՁԲ-23/25 ծածկագրով գնման գործընթացին: Հրավերը հրապարակված է www.procurement.am հասցեով գործող գնումների պաշտոնական տեղեկագրում՝ հայերեն և ռուսերեն լեզուներով:

Ծածկագիր՝  ՀՀԱՆ-ԲՄԽԾՁԲ-23/25

Հղում՝

https://www.armeps.am/epps/cft/listContractDocuments.do?resourceId=9189300

Հայտերի ընդունման վերջնաժամկետ՝ 30 մարտի 2023 թ. ժամը 12:00

Մանրամասներ.

Կատարողի որակավորումները և փորձը պետք է համապատասխանեն ստորև ներկայացված նվազագույն պահանջներին.

1. ՏՏ աուդիտներ իրականացնելու 5 տարվա փորձ, ներառյալ՝

   1. Ծրագրային ապահովման և ենթակառուցվածքի որակի և տեխնիկական աուդիտ,

   2. ISO9001 և ISO27001 սերտիֆիկացում;

• բազմաշահառու տեղեկատվական համակարգի և ծրագրային ապահովման ճարտարապետության վերլուծություն;

1. Հավելվածի կատարողականի թեստավորում:

1. Խորհրդատուն չպետք է ունենա շահերի բախում:

2. Խորհրդատուն պարտադիր պետք է ունենա՝

   1. համալիր տեղեկատվական համակարգերի ՏՏ որակի աուդիտներում նախագծերի հուսալի կառավարման փորձ (ՏՏ ոլորտում նախագծման և ռեսուրսների պլանավորման համապատասխան փորձ)

   2. Ներթափանցման աուդիտի հավաստագրում

• Ծրագրային ապահովման փորձարկման փորձ ինչպես «սև արկղում» (անտեսանելի կոդը) և «սպիտակ արկղում» (հասանելի կոդ) միջավայրերում:

1. Հաշվետվությունների և փաստաթղթավորման գերազանց հմտություններ, նախընտրելի է ծրագրային ապահովման աուդիտի համատեքստում:

2. ՏՏ ճարտարապետության տարրերի համապարփակ իմացություն՝ կապված իրականացման, անվտանգության, թույլտվության և իսկորոշման (performance, security, authorization and authentication) հետ:

Պահանջվող արդյունքներին հասնելու համար Խորհրդատուն պետք է ունենա մասնագետների թիմ: