30/11/2022

Արդարադատության նախարարի պարտականությունները կատարող Գրիգոր Մինասյանի N 107-Ա որոշում

ՈՐՈՇՈՒՄ N 107-Ա
Կառավարչին հաշվառումից հանելու մասին
 29.11.2022թ.                                                                                                                
ք. Երևան
     Արդարադատության նախարարի պարտականությունները կատարող Գրիգոր Մինասյանս, ուսումնասիրելով սնանկության գործով կառավարիչ Արթուր Առուշանյանին հաշվառումից հանելու վերաբերյալ հարուցված վարչական վարույթի նյութերը.
ՊԱՐԶԵՑԻ
  1. Էական նշանակություն ունեցող փաստեր.
  • Արդարադատության նախարարությանն ուղղված 28.11.2022 թվականի թիվ
    Մ/82436-2022 դիմումով սնանկության գործով կառավարիչ Արթուր Առուշանյանը (այսուհետ նաև՝ Դիմումատու) խնդրել է իրեն հանել սնանկության կառավարչի հաշվառումից:
  1. Կիրառելի իրավական նորմեր.
«Սնանկության մասին» օրենքի (այսուհետ՝ Օրենք) 24.1-րդ հոդվածի 5-րդ մասի համաձայն՝ կառավարիչը հանվում է հաշվառումից իր դիմումի համաձայն, ինչպես նաև որակավորումը կասեցվելու կամ դադարեցվելու դեպքերում:
Արդարադատության նախարարի 12.03.2020 թվականի «Սնանկության գործով կառավարչին հաշվառելու և հաշվառումից հանելու կարգը սահմանելու մասին» թիվ 108-Ն հրամանի հավելվածի 13-րդ կետի համաձայն՝ հաշվառումից հանելու վերաբերյալ կառավարչի դիմումը նախարարություն ներկայացվելուց հետո՝ մեկ աշխատանքային օրվա ընթացքում նախարարությունը որոշում է կայացնում կառավարչին հաշվառումից հանելու մասին, որից հետո կառավարիչների հաշվառման գրանցամատյանում այդ մասին կատարում է գրառում, ինչպես նաև կայքում հրապարակված կառավարիչների ցանկից հեռացնում է կառավարչի վերաբերյալ տվյալները: Կառավարչի դիմումի հիման վրա հաշվառումից հանվելու դեպքում կառավարիչը չի կարող ընտրվել և (կամ) նշանակվել որպես կառավարիչ, սակայն շարունակում է մասնակցել դեռևս չավարտված սնանկության վարույթներին:
  1. Իրավական վերլուծություններ և եզրահանգում.
Վերոշարադրյալ իրավանորմերի պահանջներից պարզ է դառնում, որ, ի թիվս այլ հիմքերի, կառավարչին  հաշվառումից հանելու հիմք է հանդիսանում վերջինիս կողմից դիմում ներկայացնելը:
Կառավարչի կողմից ներկայացված  դիմումի հիման վրա վերջինս հաշվառումից հանվում է արդարադատության նախարարի որոշմամբ, որից հետո չի կարող ընտրվել և (կամ) նշանակվել որպես կառավարիչ, սակայն շարունակում է մասնակցել դեռևս չավարտված սնանկության վարույթներին:
Տվյալ պարագայում Դիմումատուն արդարադատության նախարարություն ներկայացված դիմումով խնդրել է իրեն հանել սնանկության գործով կառավարչի հաշվառումից:
Նշվածի արդյունքում գտնում եմ, որ առկա է «Սնանկության մասին» օրենքի 24.1-րդ հոդվածի 5-րդ մասով նախատեսված հիմք՝ սնանկության գործով կառավարիչ Արթուր Առուշանյանին հաշվառումից հանելու համար:
Հիմք ընդունելով սնանկության գործով կառավարիչ Արթուր Առուշանյանի դիմումը և ղեկավարվելով «Սնանկության մասին» օրենքի 24.1-րդ հոդվածի 5-րդ մասով.
    ՈՐՈՇԵՑԻ
  1. Սնանկության գործով կառավարիչ Արթուր Առուշանյանին (որակավորման վկայականի համարը՝ 02/2015) հաշվառումից հանել:
  2. Սույն որոշումն ուժի մեջ է մտնում սնանկության գործով կառավարիչ Արթուր Առուշանյանին այն հանձնելուն հաջորդող օրվանից և կարող է բողոքարկվել դատական կարգով՝ ուժի մեջ մտնելու պահից երկամսյա ժամկետում:
ՊԱՐՏԱԿԱՆՈՒԹՅՈՒՆՆԵՐԸ ԿԱՏԱՐՈՂ՝
ԳՐԻԳՈՐ ՄԻՆԱՍՅԱՆ