02/05/2012
Հայաստանի Հանրապետության արդարադատության նախարարությունը իր տարակուսանքն է հայտնում առանձին լրատվամիջոցներով տարածված` ԵՊԼՀ ռեկտոր Ս. Զոլյանի հարցով նախարարության այսպես կոչված "մեկնաբանության" առթիվ: Արդարադատության նախարարությունը անհրաժեշտ է համարում հայտարարել, որ այդ "մեկնաբանությունն" ապատեղեկատվություն է, քանի որ ոչ որպես դրանց աղբյուր հիշատակվող նախարարության լրատվական ծառայությունը, ոչ էլ նախարարության որևէ այլ ստորաբաժանում չէին կարող նման տեղեկատվություն տրամադրել այն պարզ պատճառով, որ նախարարությունը ՀՀ կառավարությանը վերջինիս հարցմամբ ուղղված գրության մեջ եզրակացություն է ներկայացրել Ս. Զոլյանին կարգապահական պատասխանատվության ենթարկելու իրավաչափության հարցի վերաբերյալ, որը լիովին հակադրվում է այն "փաստարկներին", որոնք իբրև թե նախարարության անունից վկայակոչվում են այդ "մեկնաբանություններում" (գրության տեքստը կցվում է):

26/04/2012
Ապրիլի 25-ին ՀՀ ԱՆ «Էրեբունի» քրեակատարողական հիմնարկում ՀՀ արդարադատության նախարարի տեղակալ Արամ Օրբելյանի մասնակցությամբ բացվեց դատապարտյալների համար նախատեսված տեխնիկապես հագեցած համակարգչային լսարան: Քրեկատարողական հիմնարկի դատապարտյալների մեծ մասը տիրապետում է համակարգչին, մի մասն էլ մասամբ է ծանոթ որոշ ծրագրերի: Այսուհետ դատապարտյալները հնարավորություն կստանան կատարելագործելու իրենց գիտելիքները:

23/04/2012
ՀՀ ԱՆ «Նուբարաշեն» քրեակատարողական հիմնարկում գտնվող ցմահ դատապարտյալ, նախկինում երկու անգամ ազատազրկման դատապարտված, 1951թ. ծնված Ռաֆայել Մանուկյանն ապրիլի 22-ին, ժամը 11:45-ին, «Նուբարաշեն» ՔԿՀ-ից տեղափոխվել էր «Էրեբունի» բշժկական կենտրոն: Ժամը 14:00-ի սահմաներում, «Էրեբունի» բժշկական կենտրոնի վերակենդանացման բաժանմունքում Ռ. Մանուկյանը մահացել է: Նախնական ախտորոշումը` ուղեղի արյան շրջանառության սուր խանգարում:

18/04/2012
Ապրիլի 17-ին «Չորրորդ ինքնիշխանություն» օրաթերթում հրապարակված «Դատապարտյալների հիվանդանոցը» դարձել է ՀՀԿ­ի կենտրոնական շտաբը» հոդվածում տեղ են գտել մի շարք (միտումնավո՞ր) անճշտություններ: Հարկ ենք համարում անդրադառնալ մի քանի դրվագի: Ըստ այդմ` հրապարակման սկզբում նշվում է. «ՉԻ» տեղեկություններով «Կոշ» քրեակատարողական հիմնարկի դատապարտյալ Արամ Սիմոնյանը շուրջ 10 օր առաջ տեղափոխվել է «Դատապարտյալների հիվանդանոց» ՔԿՀ, մինչդեռ նա առողջական որևէ խնդիր չունի»:

16/04/2012
ՀՀ արդարադատության նախարարի հանձնարարությամբ ուսումնասիրություններ են կատարվել քաղաքացիական կացության ակտերի գրանցման Երևանի հատուկ սպասարկման տարածքային բաժնում: Ուսումնասիրության արդյունքում հայտնաբերվել է, որ 2003-ից մինչև 2010թվականի ապրիլի 1-ն ընկած ժամանակահատվածում 696 մահացած անձանց անձնագրերը (դրանց բացակայության դեպքում տրվող տեղեկանքները) չեն ուղարկվել ՀՀ ոստիկանության անձնագրային ստորաբաժանումներին` ինչից ելնելով էլ նրանց վերաբերյալ տվյալները դուրս չեն բերվել բնակչության պետական ռեգիստրից և հայտնվել են ընտրացուցակներում:

16/04/2012
ՀՀ ոստիկանության ձերբակալվածների պահման վայրերի վերահսկողության դիտորդական խումբը ՀՀ արդարադատության նախարարին հասցեագրված 24.10.2011թ. թիվ 2245-99 գրության մեջ նշել է.<<2011թվականի հոկտեմբերին ՀՀ ոստիկանության Վայոց Ձորի մարզի Եղեգնաձորի ՁՊՎ, արձանագրել է, որ հետախուզվող Ա. Հ Խոջայանին 17.09.2011թ. բերման են ենթարկել ՀՀ ոստիկանության Երևան քաղաքի վարչության կենտրոնական բաժին, որից հետո տեղափոխել են ՀՀ ԱՆ <<Նուբարաշեն>> ՔԿՀ:

10/04/2012
Ապրիլի 10-ին Հայաստանի Հանրապետության արդարադատության նախարարությունը` ի դեմս նախարար Հրայր Թովմասյանի և Հայաստանի ամերիկյան համալսարան հիմնադրամը` ի դեմս գլխավոր տնօրեն Բրյուս Մ. Բողոսյանի, նպատակ ունենալով ապահովել Համալսարանի ուսանողների տեսական գիտելիքների գործնական կիրառումը և մասնագիտական փորձի միջոցով կիրառական հմտությունների ձեռք բերումը, կնքեցին փոխըմբռնման հուշագիր: Կողմերը կարևորեցին կրթության որակը, հայաստանյան շուկան որակյալ աշխատողներով համալրելու և գիտակից քաղաքացիներ դաստիարակելու անհրաժեշտությունը, ինչպես նաև՝ Համալսարանի, պրոֆեսորադասախոսական կազմի և Նախարարության միջև համագործակցությունը և երիտասարդ սերնդի հետ ակտիվ երկխոսությանը:

05/04/2012
Դատապարտյալ է մահացել

04/04/2012
Փոխնախարար Արամ Օրբելյանը ընդունեց Աֆղանստանի պատվիրակությանը

03/04/2012
Հրայր Թովմասյնն այսօր ընդունեց Բավարիայի արդարադատության նախարարի տեղակալ դոկտոր Հելմուտ Փալդերին և Մյունխենի գլխավոր դատախազ դոկտոր Քրիստոֆ Շթրոցին

28/03/2012
ՀՀ արդարադատության նախարարությունը և Հայաստանի Ֆրանսական համալսարանը ստորագրեցին փոխըմբռնման հուշագիր

26/03/2012
ՀՀ արդարադատության նախարար Հրայր Թովմասյանն այսօր ընդունեց ԵԱՀԿ ԺՀՄԻԳ դիտորդական առաքելության ղեկավար Ռադմիլա Շեկերինսկային և պատվիրակության անդամներ Մառլա Մորրին ու Քսենյա Դաշուտինային:Հյուրերին մասնավորապես հետաքրքրում էր ՀՀ արդարադատության նախարարության դերը ընտրական գործընթացներում, ինչպես նաև ընտրությունների ընթացակարգին և օրենսդրությանը վերաբերող այլ հարցեր:Զրույցի ընթացքում նախարար Թովմասյանը նախ պարզաբանեց, որ իր ղեկավարած գերատեսչությունն անմիջական առնչություն չունի ընտրական գործընթացների հետ: Նախարարությունն, իհարկե, մասնակցել է օրենսդրական ՝ մասնավորապես «ՀՀ ընտրական օրենսգրք»ի, «Զանգվածային լրատվության մասին», ինչպես նաև «Կուսակցությունների մասին» ՀՀ օրենքների փոփոխությունների իրականացմանը: Արդարադատության նախարարությունը հեղինակել է«Հավաքների ազատության մասին» ՀՀ օրենքը: