Գևորգ Քոչարյան

Ծննդյան տարեթիվ, ամսաթիվ, ծննդավայր

Տասնյոթը նոյեմբերի, 1984 թվական, Երևան

Աշխատանքային գործունեություն

2025թ. մարտի 17-ին ՀՀ վարչապետի որոշմամբ նշանակվել է Արդարադատության նախարարի տեղակալ:

2020-2025թթ. եղել է ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչության ավագ դատախազ:

2019-2020թթ. եղել է ՀՀ զինվորական կենտրոնական դատախազության պետական շահերի պաշտպանության բաժնի դատախազ:

2016-2019թթ. եղել է ՀՀ ԳԱԱ «Փորձաքննությունների ազգային բյուրո» ՊՈԱԿ դատահաշվապահական և տնտեսագիտական փորձաքննությունների բաժնի փորձագետ:

2004-2019թթ. աշխատել է մի շարք առևտրային և ոչ առևտրային կազմակերպություններում:

Կրթություն

2020թ. ՀՀ Արդարադատության ակադեմիայում անցել է ապօրինի ծագում ունեցող գույքի բռնագանձման գործառույթներ իրականացնող դատախազների պատրաստման դասընթաց:

2019թ. ՀՀ Արդարադատության ակադեմիայում անցել է դատախազների պատրաստման դասընթաց:

2013-2017թթ. սովորել է ԵՊՀ իրավագիտության ֆակուլտետում՝ բակալավր:

2007-2009թթ. սովորել է ՀՈՒՄԿ հիմնադրամում՝ հաշվապահական հաշվառում և աուդիտ մասնագիտացմամբ՝ մագիստրատուրա:

2001-2005թթ. սովորել է ԵՊՀ ֆիզիկայի ֆակուլտետում՝ բակալավր:

2019-ից 2024 թվականների ընթացքում մասնակցել է մի շարք վերապատրաստման դասընթացների, սեմինարների և ուսումնական գործուղումների՝ փողերի լվացման, տնտեսական հանցագործությունների, կոռուպցիայի կանխարգելման, հանցավոր (ապօրինի) ակտիվների հայտնաբերման, սառեցման և բռնագանձման և այլ թեմաներով:

Զինվորական ծառայություն

Պահեստազորի սպա է:

2020թ. մասնակցել է ռազմական գործողություններին:

2015-2018թթ. մասնակցել է վարժական հավաքների:

2005-2007թթ. անցել է պարտադիր զինվորական ծառայություն:

Այլ տեղեկություններ

Տիրապետում է անգլերեն, ռուսերեն լեզուներին:

Անկուսակցական է:

Ամուսնացած է, ունի երեք զավակ: