Հրայր Թովմասյան. «Աշխատանքից ազատվել են ուսումնասիրության արդյունքում». ՓԱՍՏԻՆՖՈ

20/10/2012

ՀՀ արդարադատության նախարարության քրեակատարողական ծառայության երկու աշխատակիցները վերջերս աշխատանքից ազատվել են համապատասխան ուսումնասիրությունների ու ստուգումների արդյունքում:

Այդ մասին՝ ի պատասխան «Փաստինֆո»-ի հարցի, այսօր նշեց ՀՀ արդարադատության նախարար Հրայր Թովմասյանը:

Նախարարն ընդգծեց, որ աշխատանքից ազատմանը նախորդել է նրանց կողմից թույլ տրված որոշակի խախտումը, ծառայողական քննությունն, ուսումնասիրությունը, մյուս աշխատակիցների բացատրությունները, որոնց արդյունքում, քրեակատարողական ծառայության ղեկավարի միջնորդությամբ, այդ անձինք աշխատանքից ազատվել են: