Նորություններ
Մեկնարկել է «Անչափահասների պաշտպանությունը քրեական գործերով վարույթի ընթացքում» հեռաուսուցման դասընթացը
Այն մշակվել և ներդրվել է ՀՀ արդարադատության ակադեմիայի կողմից՝ ՄԱԿ-ի մանկական հիմնադրամի հետ համագործակցությամբ և օժանդակությամբ: Դասընթացի շնորհանդեսին ներկա են եղել նաև արդարադատության նախարարի տեղակալ Սուրեն Քրմոյանը, Արդարադատության ակադեմիայի ռեկտոր Սերգեյ Առաքելյանը, դատավորներ, դատախազներ, հասարակական կազմակերպությունների ներկայացուցիչներ, այլք:
Արդարադատության նախարարը մասնակցել է Հայաստանի Արդյունահանող ճյուղերի թափանցիկության նախաձեռնության բազմաշահառու խմբի նիստին
Հանդիպմանը մասնակցել են նաև Հայաստանում Միացյալ Թագավորության դեսպան Ջուդիթ Մարգարեթ Ֆարնուորթը, ինչպես նաև շահագրգիռ պետական մարմինների և կազմակերպությունների ներկայացուցիչներ:
Արդարադատության նախարար. «Կառավարման համակարգի արդյունավետությունը կբարձրանա միայն ակտիվ քաղաքացիներից կառուցված հասարակության դեպքում»
Միջոցառմանը ներկա են եղել նաև Հայաստանում Եվրոպական միության պատվիրակության ղեկավար, դեսպան Պյոտր Սվիտալսկին, «Իրավաբանների հայկական ասոցիացիա» ՀԿ նախագահ, «Կառուցողական երկխոսության հանձնառություն» ծրագրի ղեկավար Կարեն Զադոյանը, այլք:
Քննարկվել են Հայաստանի և Վրաստանի ՔԿՀ-ներում առողջապահության հետ կապված խնդիրները
Հանդիպումը կազմակերպվել էր երկու երկրներում առկա բանտային առողջապահության խնդիրները և դրանց հնարավոր լուծումները համեմատության մեջ դիտարկելու և լավագույն փորձը փոխանակելու նպատակով:
Աշխատանքային քննարկում ՄԱԿ-ի Կայուն զարգացման նպատակների գործնթացի շրջանակներում
ՀՀ-ում ՄԱԿ-ի գրասենյակի աջակցությամբ կազմակերպված հանդիպմանը մասնակցել են ՀՀ պետական մարմինների և հասարակական կազմակերպությունների ներկայացուցիչներ: Քննարկման հիմնական նպատակն էր սահմանել ենթախմբի գործունեության հիմնական ուղղությունները, ժամանակացույցը, ինչպես նաև յուրաքանչյուր նպատակի շուրջ ստեղծել առանձին աշխատանքային խմբեր:
Արդարադատության նախարարն ընդունել է Հայաստանում Արգենտինայի դեսպանին
Ողջունելով դեսպանին՝ նախարարը բարձր է գնահատել երկու երկրների միջև առկա մի շարք ուղղություններով համագործակցությունը և ընդգծել, որ արդարադատության ոլորտում փոխգործակցությունը խորացնելու ամուր հիմքեր կան:
Արդարադատության նախարարը ԵՄ գործընկերոջ հետ քննարկել է առաջիկա համագործակցության առաջնահերթությունները
Ներկայացնելով արդարադատության ոլորտում իրականացրած բարեփոխումները՝ Դավիթ Հարությունյանն ընդգծել է կոռուպցիայի դեմ պայքարում իրականացված քայլերը՝ ապօրինի հարստացման քրեականացում, հայտարարագրման գործընթացի բարելավում, կանխիկ դրամի շրջանառության սահմանափակում, հայտարարագիր տվող անձանց շրջանակի ընդլայնում, ազդարարների ինստիտուտի ներդրում, ինչպես նաև Հակակոռուպցիոն մարմնի ստեղծում: Հանդիպման ընթացքում նախարարն անդրադարձել է նաև դատաիրավական ոլորտի բարեփոխումներին, Մարդու իրավունքների պաշտպանության ռազմավարությանը, էլեկտրոնային կառավարության համակարգի զարգացմանն ու սահմանադրական օրենքների մշակման աշխատանքներին:
Արդարադատության նախարարն ընդունել է Վենետիկի հանձնաժողովի ներկայացուցիչներին
Նախարարը բարձր է գնահատել միջազգային հեղինակավոր կառույցի ցուցաբերած բարձրորակ մասնագիտական օժանդակությունը՝ ուղղված Հայաստանի սահմանադրական օրենքների մշակմանը և ընդգծել նման հանդիպումների օգտակարությունը:
Արդարադատության նախարարությունը քննարկում է իրավաբանների համար էլեկտրոնային տեխնոլոգիաների վերաբերյալ դասընթաց ներդնելու հնարավորությունը
ՀՀ արդարադատության նախարարության նախաձեռնությամբ կազմակերպված հանդիպման նպատակը Էլեկտրոնային կառավարման համակարգերի լայնածավալ գործարկմամբ պայմանավորված կրթական հաստատություններում ապագա իրավաբանների պրակտիկ հմտությունների կատարելագործումն է:
Քաղհասարակության ներկայացուցիչների հետ քննարկվել են www.e-draft.am– ի հնարավորությունները
Անդրադառնալով վիճակագրական ցուցանիշներին՝ Սուրեն Քրմոյանը փաստել է, որ կայքի հաճախելիության ցուցանիշներն ամսեամիս աճ են արձանագրել և հունիսի ամփոփ տվյալներով կայքն ունեցել է 13 հազար 556 այցելու, իսկ ամենաշատ իրավական ակտերի նախագծեր տեղադրելու հարցում առաջատարներ են ՀՀ ֆինանսների, ՀՀ բնապահպանության և ՀՀ արդարադատության նախարարությունները:
Արդարադատության նախարարն ընդունել է ԵԱՏՄ դատարանի նախագահի գլխավորած պատվիրակությանը
Դավիթ Հարությունյանը, ողջունելով հյուրերին, կարևորել է ինտեգրացիոն գործընթացների իրավական ապահովումն ու այդ գործում բարձր գնահատել ԵԱՏՄ դատարանի դերակատարությունը:
Արդարադատության նախարարն ընդունել է IRZ-ի Հարավային Կովկասի բաժնի ղեկավարին
Դավիթ Հարությունյանն անդրադարձել է նաև նոտարական ոլորտի բարեփոխումներին և նշել, որ նոտարների ներուժն օգտագործելով աշխատանքներ կտարվեն դատարաններին ուղղված գործերի քանակը նվազեցնելու ուղղությամբ: Հիշեցնենք, որ «Նոտարիատի մասին» ՀՀ օրենքում կատարված փոփոխություններով կներդրվի կատարողական մակագրության ինստիտուտը, իսկ նոտարներն իրավունք կստանան հաստատելու նաև իրավաբանական փաստը: