Դեպի վեր

Նոտարական պալատը գործելու է Ալեք Մանուկյան 8/1 հասցեում

30/06/2012

«Ապագայում ունենալու ենք այնպիսի նոտարական համակարգ, որտեղ հանրությունը ոչ թե նոտարից բողոքելու է ու գնա Կառավարության շենքի մոտ բողոք անելու, իր խնդիրը լուծելու, այլ` հակառակը»,- այս համոզմունքը հայտնեց Արդարադատության նախարար Հրայր Թովմասյանը հունիսի 30-ին ՀՀ նոտարական պալատի բացման արարողության ժամանակ:
20-ամյա անկախ հանրապետությունն արդեն Նոտարական պալատի համար առանձին տանիք ունի:
«Սա մի քայլ է այս ինստիտուտի կայացման ուղղությամբ, սա մի քայլ է երկրում իրավական բարեփոխումների ուղղությամբ, սա մի քայլ է, որը հնարավություն է կտա նոտարիատին իրականում կայանալու և իրականում նպաստելու մեր երկրի զարգացմանը: Այս խոսքերը պատահական չեն»,- ասում է Հրայր Թովմասյանը:
ՀՀ նոտարական պալատի նախագահ Մամիկոն Ասլանյանը պալատի բացման օրը` հունիսի 30-ը, պատահական չի համարում: Այսօր հանրապետության նախագահի ծննդյան օրն է: Նոտարական պալատը հանրային սեկտորի առաջին օղակն է, որը, Կառավարության ծրագիրը հավանության արժանանալուց հետո, արձագանքում է բարեփոխումների ներկա ուղեգծին:
Այսօր Երեւանում 30 նոտար է աշխատում, եւս 52- ը՝ մարզերում: Ամենածանրաբեռնված նոտարիատը Երեւանի Կենտրոնի համայնքինն է, ամենաքիչ ծանրաբեռնվածը՝ Վայքինն ու Արագածինը: Չնայած առկա խնդիրներին՝ այնուամենայնիվ, մարզի բնակիչները նոտարիատում որեւէ գործարք կնքելու համար ստիպված չեն հասնելու Երեւան, ասում է ՀՀ նոտարական պալատի նախագահ Մամիկոն Ասլանյանը:

«Նոտարական պալատը կատարելու է իր ֆունկցիաները նորովի, թարմացված, ժամանակի ոգուն համապատասխան»,- նշեց Մամիկոն Ասլանյանը:
Միջոցառման ընթացքում նաև տեղի ունեցավ նոտարների երդման արարողություն:
Հրայր Թովմասյանը անդրադառնալով իր երեկվա հրամանին` Երեւանի «Կենտրոն» նոտարական գրասենյակի նոտար Ալվարդ Մելքոնյանին կարգապահական տույժի ենթարկելու վերաբերյալ, տեղեկացրեց, որ այն Արդարադատության նախարարի կողմից տրվող ամենախիստ նկատողությունն է, հարուցվել է նաև քրեական գործ: Նախարարը վստահեցրեց` խիստ է լինելու բոլոր նոտարների նկատմամբ, սակայն երբեք չի միջամտելու նրանց բուն գործունեությանը: Կա մեծ ցանկություն առաջարկված իրավական բարեփոխումներին ընդառաջ գնալու:

Տեղեկացնենք, որ նոտարական պալատը բաց է լինելու բոլոր այն քաղաքացիների համար, ովքեր կարծում են, որ իրենց իրավունքները խախտվել են նոտարների կողմից, ավելին՝ Նոտարական պալատում կգործի թեժ գիծ (010-55-57-72) համարով, ինչը միտված է նոտարական ծառայությունների որակը,նոտարական էթիկան բարելավելուն:

Քննարկել
Վերադառնալ նախորդ էջ
Նախարարություն Գործառույթներ Գրադարան Տեղեկատվական կենտրոն Ընդունելություն

Բաժանորդագրություն