Դեպի վեր

Հերքում. Սերգեյ Մեղրյանին՝ գլխավոր հարկադիր կատարողի պաշտոնում նշանակելու համար հատուկ օրենսդրական փոփոխություններ չեն կատարվել

19/03/2020 Տառատեսակի
չափսը
A A A

Տպագիր մամուլում, այնուհետև լրատվական կայքերի մամուլի տեսությամբ այսօր հրապարակվել է «Օրենք՝ հանուն ընկերո՞ջ. ԴԱՀԿ պետի նշանակման առեղծվածը» վերտառությամբ հոդված, որում, մասնավորապես, նշված է, որ «նորանշանակ գլխավոր հարկադիր կատարող Սերգեյ Մեղրյանը ՀՀ արդարադատության նախարար Ռուստամ Բադասյանի ընկերն է և այդ պաշտոնին կարողացավ նշանակվել միայն օրենքի փոփոխության շնորհիվ»:

Տեղեկացնենք, որ նախարար Բադասյանը, մինչև վերջին ժամանակահատվածը, Սերգեյ Մեղրյանի հետ առնչվել է ուսանողական տարիներին: 

                Ինչ վերաբերում է օրենսդրական փոփոխություններին՝ ապա հունվարի 21-ին Ազգային ժողովի կողմից երկրորդ ընթերցմամբ և ամբողջությամբ ընդունված մի շարք օրենքներում փոփոխություններ և լրացումներ կատարելու մասին 65 օրենքների նախագծերը ներկայացվել էին ՀՀ վարչապետի աշխատակազմի Քաղաքացիական ծառայության գրասենյակի կողմից, որոնք, ի թիվս այլնի, բխում էին հանրային ծառայության համակարգի բարեփոխումների ոլորտում Կառավարության որդեգրած և իրականացվող քաղաքականությունից։                

Այդ բարեփոխումների արդյունքում ոչ միայն Հարկադիր կատարումն ապահովող ծառայությունում, այլև Քրեակատարողական և Փրկարար ծառայություններում են կատարվել համապատասխան փոփոխություններ: Մեկ տասնյակից ավելի այլ օրենքներում վերանայվել են պաշտոններին ներկայացվող պահանջները: 

                Այսպիսով, պնդումները, թե Սերգեյ Մեղրյանը ՀՀ արդարադատության նախարար Ռուստամ Բադասյանի ընկերն է և այդ պաշտոնին հատուկ իրեն նշանակելու համար կատարվել է օրենքի փոփոխություն, իրականությանը չեն համապատասխանում։

Քննարկել
Վերադառնալ նախորդ էջ
Նախարարություն Գործառույթներ Գրադարան Տեղեկատվական կենտրոն Ընդունելություն

Բաժանորդագրություն