Դեպի վեր

Քննարկում՝ «Ընտրական վեճերի կարգավորում» թեմայով

13/05/2016

 ՀՀ արդարադատության նախարարությունը ԵԱՀԿ երևանյան գրասենյակի հետ համատեղ մայիսի 13-ին կազմակերպել էր մասնագիտական քննարկում՝ «Ընտրական վեճերի կարգավորում» թեմայով: Քննարկմանը մասնակցել են Արդարադատության նախարար Արփինե Հովհաննիսյանը, Կառավարության աշխատակազմի ղեկավար-նախարար Դավիթ Հարությունյանը, ԵԱՀԿ երևանյան գրասենյակի ղեկավար, դեսպան Արգո Ավակովը, ԿԸՀ նախագահ Տիգրան Մուկուչյանը, ինչպես նաև՝ քաղաքացիական հասարակության և միջազգային կազմակերպությունների ներկայացուցիչներ, այլ շահագրգիռ անձինք:

 Արփինե Հովհաննիսյանը նշել է, որ այս քննարկումը հնարավորություն կտա լսելու տարբեր կարծիքներ և առաջարկություններ, որոնք կարող են օգտակար լինել ավելի որակյալ ընտրական օրենսգիրք ունենալու համար: Նախարարը շնորհակալություն է հայտնել մասնակիցներին և ԵԱՀԿ երևանյան գրասենյակին՝ սերտ համագործակցության համար՝ հավելելով, որ այդ փոխգործակցությունը մշտապես եղել է արդյունավետ և փոխշահավետ:

 ԵԱՀԿ երևանյան գրասենյակի ղեկավար, դեսպան Արգո Ավակովը, կարևորելով Հայաստանում ընտրական համակարգի կատարելագործումը, հույս է հայտնել, որ ՀՀ ընտրական օրենսգրքի նախագիծը հնարավորություն կտա առաջընթաց արձանագրել:

 Միջազգային համազեկուցողները ներկայացրել են ընտրական վեճերի կարգավորման ոլորտում առկա միջազգային լավագույն փորձն ու չափանիշները: 

 Այնուհետև հանդիպման մասնակիցները հարցուպատասխանի միջոցով անդրադարձել են ընտրական վեճերի կարգավորման ընթացակարգերին և դրանց կարգավորմանն ուղղված մեխանիզմներին: Քննարկվել են նաև նախագծով սահմանված առանձին դրույթներ, որոնք վերաբերում են բողոքներ ներկայացնելու և այդ բողոքները քննելու ընթացակարգերին և այլն:

Քննարկել
Վերադառնալ նախորդ էջ
Նախարարություն Գործառույթներ Գրադարան Տեղեկատվական կենտրոն Ընդունելություն

Բաժանորդագրություն