Դեպի վեր

ՔԿԱԳ համակարգի և Ազգային վիճակագրական ծառայության միջև տվյալների փոխանակումն այսուհետ կիրականացվի բացառապես էլեկտրոնային եղանակով

04/03/2016 Տառատեսակի
չափսը
A A A

   2016 թվականի մարտի 1-ից ՀՀ արդարադատության նախարարության Քաղաքացիական կացության ակտերի գրանցման գործակալության կառուցվածքային ստորաբաժանումների, ՔԿԱԳ տարածքային մարմինների և Ազգային վիճակագրական ծառայության միջև տվյալների փոխանակումը  կիրականացվի բացառապես էլեկտրոնային եղանակով:

   ՔԿԱԳ գործակալությունը և ՔԿԱԳ տարածքային բաժինները Ազգային վիճակագրական ծառայությանը յուրաքանչյուր ամիս հաշվետվություն են ներկայացնում գրանցված ծնունդների, մահերի, ամուսնությունների և ամուսնալուծությունների վերաբերյալ:

Հաշվետվությունը ներառում է նաև վերը նշված քաղաքացիական կացության ակտերի մեկ ամբողջական օրինակը: Այսուհետ, քաղաքացիական կացության ակտերի միասնական էլեկտրոնային գրանցամատյանում գրառված տեղեկությունները իրական ռեժիմով կտրամադրվեն Ազգային վիճակագրական ծառայությանը՝ վիճակագրության մշակման աշխատանքները էլեկտրոնային եղանակով և առավել արդյունավետ իրականացնելու նպատակով:

   Երկու կառույցների միջև տվյալների փոխանակման էլեկտրոնային համակարգի ներդրումը կնպաստի  ինչպես քաղաքացիական կացության ոլորտի գրանցումների վիճակագրական մշակման աշխատանքների կատարման ժամանակի կրճատմանը, այնպես էլ ՔԿԱԳ գործակալության հանրապետական արխիվում 100 տարի պահպանվող թղթային գրանցումների որակական  հատկությունների պահպանմանը:

   Գործընթացն իրականացվել է 2015 թվականին ՀՀ արդարադատության նախարարության և ՀՀ ազգային վիճակագրական ծառայության միջև կնքված «ՀՀ ազգային վիճակագրական ծառայությանը քաղաքացիական կացության  ակտերի գրանցման միասնական էլեկտրոնային կառավարման համակարգից տվյալներ տրամադրելու և պետական վիճակագրական աշխատանքների ծրագրին համապատասխան ամփոփ վիճակագրական տվյալները ՀՀ արդարադատության նախարարությանը հասանելի դարձնելու վերաբերյալ» համագործակցության հուշագրի շրջանակում:

   Արդարադատության նախարարության և Ազգային վիճակագրական ծառայության միջև տվյալների փոխանակման էլեկտրոնային համակարգի մշակումն ու գործարկումը հնարավոր եղավ Եվրոպական Միության աջակցության շնորհիվ։

Քննարկել
Վերադառնալ նախորդ էջ
Նախարարություն Գործառույթներ Գրադարան Տեղեկատվական կենտրոն Ընդունելություն

Բաժանորդագրություն